स्पर्धेसाठी
महाराष्ट्र माझा
सह्याद्रीच्या कडेकपारीतून
नाद गर्जतो , दुमदुमतो .
बोला जय महाराष्ट्र जय ,
घोष कानी हा घुमतो .
मराठमोळी भाषा सुंदर ,
लावण्य तीचे हे बहुमोल .
लावणीचा ठसका भारी ,
जरीपटका शिरी अनमोल .
शाहू राजा थोर राजा ,
शोभला रयतेचा वाली .
छत्रपती शिवरायांनी याला ,
केला रयतेच्या हवाली .
संस्काराचे बीज रुजते ,
नसानसातून इथे वाहते .
संस्कृतीही फुलत जाते ,
लहानथोरांमध्ये ही वसते .
महाराष्ट्र माझा , बोल अधरी ,
सतत गाती स्तूतीसुमने .
थकती न कधी , कोणी येथे ,
गाया तव थोर कवने .
✍✍✍✍✍✍✍✍
श्रीमती माणिक नागावे
कुरुंदवाड , ता. शिरोळ ,
जि. कोल्हापूर , 416106
No comments:
Post a Comment