स्पर्धेसाठी
चित्रकाव्य स्पर्धा
स्वयंवाचन
एकदा मी माझं मलाच ,
तटस्थपणे वाचायच ठरवलं.
मेंदूतील विचारपुस्तकाला ,
मन माझं वाचायला लागलं
म्हणालं शिकली पुस्तके ,
आजवर ज्ञानार्जनासाठी .
गरज आहे आजमितीला ,
स्वयंवाचन व्यक्तीमत्वासाठी
मी कोण ? काय आहे ?
उत्तर स्वताःहून शोधायचयं.
नकारात्मकता असेल काही
अलगद बाजूला सारायचयं.
सकारात्मकतेचे पुस्तक ,
अंगीकारुन पुढेच जाऊया.
मनातल्या वाईट भावनांना,
वाट मोकळी करुन देऊया.
भान असुद्या समाजाचे ,
ज्याचे तुम्ही घटक आहात.
वाचा स्वताःच स्वताःला ,
जबाबदार आपणच आहात.
कवयित्री
श्रीमती माणिक नागावे
कुरुंदवाड , ता. शिरोळ ,
जि. कोल्हापूर.
No comments:
Post a Comment