नदी

स्पर्धेसाठी

          चित्रकाव्य

             नदी

दुथडी भरुन वाहते आहे ,
पात्राबाहेर पडू पाहते आहे.
पूर आला नदीला आता ,
पाऊस भरपूर पडला आहे.

शांत निरव वातावरणात ,
प्रभा आकाशीची डोकावते.
प्रतिबिंब आपले जणू ते ,
अलगद निरखून पाहते .

हिरवाईने काठ सजला ,
वनराई ही शोभून दिसते.
वाहत्या पाण्यात झाडांच्या,
मुळांनी पाय बुडविले असते

दोन प्रवाह पाण्याचे येथे ,
एकमेकांत मिसळू पाहतात.
रुप पाण्याचे पाहताना ,
दोन वेगळे प्रवाह दिसतात.

नदी देते संदेश वाहण्याचा,
सतत पुढेच जाण्याचा .
गेलेले ते विसरुन जाऊन,
विकास स्वतःचा करण्याचा.

    कवयित्री

श्रीमती माणिक नागावे
कुरुंदवाड , ता. शिरोळ ,
जि. कोल्हापूर .