अवनी

स्पर्धेसाठी

विषय - अवनी

झाडे,वेली,पशु,पक्षी ,
मानवासह सजीव राहती .
अवनीवर या आनंदाने ,
नाचून खेळून बागडती .

जगच सारे हीचे कुटुंब ,
सर्वांवर मायेची पाखर .
सापडे ना ईथे भेदभाव ,
समानतेची असते झालर .

दातृत्वच हीचे ईतके मोठे ,
घेताना हात होतात थिटे .
परतीची ना कधी अपेक्षा ,
आपणच वागतोय खोटे .

ओरबाडण्याची सवय आपली,
वृक्ष तोडून केली उघडी.
सोसतोय आता आपणच ,
दुष्काळ उगारतोय छडी .

जपते ती आपणही जपा ,
भविष्यकाळ सुसह्य बनवा.
अवनी माताच आहे आपली
आयुष्य तिचे सुखी बनवा .

     कवयित्री

श्रीमती माणिक नागावे
कुरुंदवाड , ता शिरोळ ,
कोल्हापूर.