कविता ( माझा गांव )

स्पर्धेसाठी

विषय - माझा गांव

कृष्णा-पंचगंगेच्या तीरी ,
वसली ही नगरी छान .
कुरणांच्या विपुलतेमुळे ,
पडले कुरुंदवाड नांव हे छान .

नाही कमी पाण्याची ,
ना घरी धनधान्यांची .
सर्वसुखसंपन्न हे गांव ,
वाहते कृष्णामाई प्रेमाची .

सर्वधर्मसमभाव ईथे रुजला ,
बंधुभाव तो वाढीस लागला .
मशिदीत गणपती बसवला ,
सर्वांनी साजरा तो केला .

कृष्णाकाठची वांगी हो चवीची ,
नाही तोड याला कशाची .
बासुंदीची चवच न्यारी ,
वर्णू कीती महिमा चवीची .

राजेघराण्याचा राजवाडा होता.
थोर गायक ,जनक सर्कशीचे .
प्राचीन विष्णूमंदिर ईथे छान ,
स्वागत स्विकारा ईथे प्रेमाचे .

कवयित्री
श्रीमती माणिक नागावे
कुरुंदवाड , ता. शिरोळ ,
जिल्हा. कोल्हापूर