विडंबन काव्य / गीत स्पर्धेसाठी
मूळ गीत - भातुकलीच्या खेळामधली , राजा आणिक राणी
शिर्षक - भातुकलीच्या खेळामधली, छोटी एकच राणी
भातुकलीच्या खेळामधली
छोटी एकच राणी
अर्ध्यावरती डाव मोडला
अधुरी एक कहाणी ।। धृ ।।
गुंड बोलला , मला मिळाली
छोटीशी ही पोर
तिच्या देहासवे खेळती
मानव नव्हे जणू ढोर
का राणीच्या डोळा तेव्हा
दाटून आले पाणी ? ।। १ ।।
अर्ध्यावरती..........
राणी झाली हतबल तेव्हा
शरीराशी ते खेळताना
नाही ऊरला प्रतिकार तो
जीव जेव्हा जाताना
आईबापाला ऊशिरा कळली
मुलीची करुण कहाणी ।। २ ।।
अर्ध्यावरती........
प्रश्न तिला हा पडला
का हे मला छेडतात
का जगात या फुलण्याआधी
कळी ही कुस्करतात ?
या प्रश्नाला ऊत्तर नव्हते
राणी केविलवाणी ।। ३ ।।
अर्ध्यावरती.......
राणीचे ते मिटले डोळे
देवाच्या दारात
का तिचा हा श्वास कोंडला ?
सगळ्यांच्या मेळात
आसमंतात विरुन गेली
हाक तिची केविलवाणी ।। ४ ।।
अर्ध्यावरती........
कवयित्री
श्रीमती माणिक नागावे
कुरुंदवाड , ता. शिरोळ ,
जिल्हा. कोल्हापूर.
9881862530
No comments:
Post a Comment