चारोळ्या ( पिढी आमची )

स्पर्धेसाठी

चारोळ्या

विषय - पिढी आमची

            ( 1 )
पिढी आमची नशीबवान
सन अडुसष्ठच्या काळातली
होता विश्वास स्वता:वर
आईवडीलांच्या आज्ञेतली

           (2 )

पिढी आमची सुखाची
गुरुजनांचा आदर ठेवणारी
संवेदनशील हृदयाची
एकमेकांना विचारणारी

         ( 3 )

पिढी आमची भाग्याची
सकस ज्ञान मिळवणारी
नव्हता बाजार शिक्षणाचा
संस्कारी ज्ञान मिळवणारी

        ( 4 )

पिढी आमची आदर्शवादी
मोठ्यांचा मान राखणारी
नवनीतपेक्षा पुस्तकांवरच
अधिक भिस्त ठेवणारी

        ( 5 )

पिढी आमची सोशिक फार
कींमत होती स्वकर्तृत्वाला
स्वयंशिस्त अंगी बाणलेली
तयार कोणत्याही कष्टाला

रचना
श्रीमती माणिक नागावे
कुरुंदवाड, ता.शिरोळ
जिल्हा. कोल्हापूर