कविता ( रानवाटा )

स्पर्धेसाठी

कविता

विषय -- रानवाटा

रानवाटा नागमोडी ,
खुणावती मनाला.
वृक्षराई दोहीकडे,
सुखावती जीवाला.

तरुवर ,लतावेली,
नवलाई निसर्गाची .
चाखुनीया रानमेवा,
हौस भागे जिभेची.

समाधानी प्राणीजात,
मेळा पर्यावरणाचा.
फळे,फुले उधळीत,
दरवळ सुगंधाचा.

मन प्रसन्न नाचले,
वातावरण हासले.
दाट छायेत वनराईच्या,
मनमयुर हे नाचले.

गाऊ गीत आत्मसुखाचे,
होऊ तल्लीन रानीवनी.
प्रेमभावे सुखवूनी नित्य,
गाऊ रानाची गोड गाणी.

कवयित्री
श्रीमती माणिक नागावे
कुरुंदवाड, जिल्हा. कोल्हापूर