स्पर्धेसाठी
चित्रकाव्य
माझा काय गुन्हा ?
सांग ना आई मला ,
माझा काय आहे गुन्हा ?
बांधून ठेवलं तू मला ,
नको करु अस पुन्हा .
मोबाईल मध्येच आहेस ,
केव्हापासून एकदम गुंग .
बाटली दुधाची रिकामी ,
उडून गेलाय माझा रंग .
झोपाळ्यात बसुन तू ,
निवांत झाली आहेस .
माझं खेळणं मात्र आता ,
बंद तूच केल आहेस .
कितीवेळ अस हे चालायच?
बंदिस्त जीवन नको मला .
सोड तो मोबाईल पहिला ,
मांडीवर घेऊन खेळव मला.
नको जाऊ आहारी बाई , कृत्रीम भावनाहिन यंत्रांच्या
भविष्यातील आधार तुझे ,
आहेत तुलाच घडवायच्या.
कवयित्री
श्रीमती माणिक नागावे
कुरुंदवाड , ता.शिरोळ ,
जि.कोल्हापूर .
No comments:
Post a Comment