नकळत जाते राहून काही

स्पर्धेसाठी

चारोळ्या

नकळत जाते राहून काही

              1

सांगायचे असते खूप काही
मनाला रिते करायचे असते
नकळत जाते राहून काही
भावनांची तडफड राहते.

       2

शब्द शब्द जुळवून एकत्र
व्यक्त होण्या अधीर मन होते
नकळत जाते राहून काही
तगमग जीवाची शांत न होते.

          3

नकळत जाते राहून काही
जरी व्यक्त झाल्या भावना
अवचीत समोर येता कोणी
जाग्या होतात मनीच्या कामना.

    रचना
श्रीमती माणिक नागावे
कुरुंदवाड ,ता.शिरोळ ,
जि.कोल्हापूर .