चित्रकाव्य ( शिवार )

चित्रकाव्य स्पर्धेसाठी

शिर्षक - शिवार

भेटून गार पावसाला ,
नटली हिरवाईने धरती.
आपसूकच जागी झाली,
मनात तिच्या कोमल प्रिती.

रान शिवार बहरले ,
काळी माती ओली झाली.
बीज अंकुरण्या मातीत ,
आनंदाने रुजू लागली .

वर निळे आकाश छान ,
गर्द झाडी दाट खाली .
खेळ ऊन सावलीचा ,
चाले सुंदर नभाखाली.

वारा बांधावरून वाहीला,
झाडे वेली डुलू लागली .
बोल ओठी आपसूकच,
प्रेमगीत स्फुरु लागली.

झाला पोशिंदाही खूष ,
नको अविचार मनी .
कष्ट करुन जोमाने ,
यश फुलवू अंगणी .

कवयित्री
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर.