उपक्रम
भावगीत
विषय - माया ममता
शिर्षक - माय माझी माय
वर्ण 12 ' यती 6 वर
माय माझी माय,दुजा तशी नाय
सदा मला वाटे,दुधाची गं साय ।। धृ ।।
घरातली प्रभा,कुटुंबाची शोभा
जीवनात माझ्या, तिचीच गं आभा
मन माझे वेडे,तिच्याकडे जाय
सदा मला वाटे,दुधाची गं साय ।। १ ।।
मायेचा पदर,आहे डोईवर
लक्ष माझे सारे,त्याच्या नक्षीवर
आनंदाने मग,नाचतोच हाय
सदा मला वाटे,दुधाची गं साय ।। २ ।।
संस्काराची खाण,संस्कृती जपते
पोरांबाळांसाठी,कायम खपते
अशी माझी माय,ठावं आहे काय
सदा मला वाटे,दुधाची गं साय ।। ४ ।।
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment