स्पर्धेसाठी
कविता
अष्टाक्षरी
विषय- माझी मराठी माणसे
शिर्षक- माझा महाराष्ट्र
माझा महाराष्ट्र शोभे
भारताच्या नकाशात
माझी मराठी माणसे
संस्काराच्या प्रकाशात
नांदतात सर्व धर्म
समाधान अंगी वसे
धर्म,जात,पंथ,वेष
सर्वत्रच शांती असे
थोर आहे परंपरा
शूरवीर शिवाजींची
पराक्रमी इतिहास
सांगे तानाजी बाजींची
सह्याद्रीच्या कपारीत
नाद घुमे मावळ्यांचा
स्वराज्याची शोर्यगाथा
जोश आहे सगळ्यांचा
लावणीची लोककला
टाळ मृदंगाचा मेळा
भजनात रंगताना
भक्तगण झाले गोळा
माय मराठी भाषा ही
मायबोली वाटे गोड
प्रेम करती सर्वच
जगी याला नाही तोड
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment