महास्पर्धेसाठी
फेरी क्रमांक- ८
भावगीत
विषय - प्रेमप्रीती
शिर्षक- प्रेमरंग
वर्ण १२, यती ६ व्या अक्षरानंतर
प्रेमरंग तुझा,मला छळतोय
आठवून तुला,अश्रू ढाळतोय ।। धृ ।।
होते भेट रानी,रोजच चोरुन
येत होती सखी,शृंगार करुन
केसात गजरा,आज माळतोय ।। १ ।।
मादक नजर, भुलवते मना
मर्यादा पडती, घाबरतो जना
आठवात तुझ्या,मना जाळतोय ।। २ ।।
तुझे ते बहाणे,रागाने पहाणे
लटकाच राग,लांबूनच जाणे
उगाचच तुझ्या, मागे पळतोय ।।३ ।।
दोघांच्या मनाच्या,जुळतील तारा
देशील मजला,आता तरी थारा?
कावा प्रिये तुझा,मला कळतोय ।।४ ।।
कवयित्री
श्रीमती माणिक नागावे
कुरुंदवाड, जिल्हा, कोल्हापूर
No comments:
Post a Comment