भावगीत
विषय - माया ममता
वर्ण 12
यती 6 व्या वर्णावर
शिर्षक - माय माझी
माय माझी बाई,जशी जाई फुले ।
पाहून तिजला, खुश आम्ही मुले ।। धृ ।।
आले घरपण,घराला आमच्या
वाटे सदा हेवा,मनाला तुमच्या
राहून प्रेमाने,आनंदी नाचले
स्नेहाने हळूच, नाजूक हासले
पाहून तिजला, खुश आम्ही मुले ।। १ ।।
सदैव कामात,गुंतून राहते
पिलांना आपल्या, प्रेमाने पाहते
मुखी सदैव तिच्या,गुलाब फुलले
सुगंधी अत्तर,जणू पसरले
पाहून तिजला,खुश आम्ही मुले ।। २ ।।
मायेचा पदर,सतत आधार
नेहमी असते,निस्वार्थी दातार
मातृत्व आईचे,आहे बहरले
पाहून वदन,अंग शहारले
पाहून तिजला,खुश आम्ही मुले ।। ३ ।।
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment