स्पर्धेसाठी
चित्रकाव्य
अभिनय
प्रेम हे बहीणभावाचे ,
अतूट असे या जगती .
गाऊ कीती महती याची ,
छान तुझी माझी प्रीती .
गरीबीतला खेळ आमचा ,
मांडलाय आपण रस्त्यावर .
रडू नको धिर धर थोडा ,
खाऊ देते खेळ झाल्यावर .
अजून थोडी कड काढ ,
अभिनय तुझा रे चांगला .
रंगवलेल्या चेहऱ्यावर आज,
भाकरीचा चंद्र दाखवला .
कानटोपीवर कीरीट सजला
गळ्यात हार शोभला.
पाहुन रुप तुझे हे सुंदर ,
मनी करुणाभाव प्रकटला.
कवयित्री
श्रीमती माणिक नागावे
कुरुंदवाड , ता. शिरोळ ,
जि.कोल्हापूर
No comments:
Post a Comment