स्पर्धेसाठी
चारोळी
विषय -- ज्ञानियांचा राजा
( १ )
थोर संत योगी तत्वज्ञानी
प्रवर्तक भागवत संप्रदायाचे
लिहून भावार्थदीपिका महान
व्यक्त विचार तत्वज्ञानाचे
( २ )
ज्ञानियांचा राजा थोर ज्ञानेश्वर
प्रेरणा आध्यात्मिक लोकशाहीची
दिधले सकल जनांना ग्रंथातून
महती मराठी संस्कृतीची
( ३ )
ज्ञानियांचा राजा ज्ञानदेव
निवृत्तीनाथ सद्गुरु तयांचे
संकल्प ज्ञान संस्कृत भाषेतील
पाकृत मध्ये आणायाचे
( ४ )
वर्णिली महती मराठी भाषेची
लिहील्या ओव्या नऊ हजार
दुजा ग्रंथ जीव-ब्रम्ह ऐक्याचा
तत्वज्ञानाचा केला प्रचार
( ५ )
केले गर्वहरण चांगदेवाचे
लिहून चांगदेव पासष्टी
केले तीर्थाटन अमृतानुभवानंतर
समाधीमरणाची झाली पुष्टी
( ६ )
लिहून पसायदान वांछीले
ईच्छा पुऱ्या व्हाव्या सर्वांच्या
माऊली म्हणती संप्रदाय वारकरी
पाया रचला तीरी चंद्रभागेच्या
( ७ )
संजीवन समाधी इंद्रायणी काठी
मावळला ज्ञानसूर्य सहजच
प्रणाम तुजला एकवीस वय
झुकतो माथा आपसूकच
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment