स्पर्धेसाठी
महास्पर्धा पर्व २ रे
फेरी क्र.३
विषय- किलबिल बालवाडी
प्रकार - बालकविता
शिर्षक- बालवाडी
किलबिल किलबिल ऐकू आली,
बंटी बबली आले आले.
नाही पाटी नाही पुस्तक,
ईकडे तिकडे धावू लागले.
बालवाडीतील बालचमूंचा ,
गलका ,दंगा चालू झाला.
कोणी लागले जोरात रडू,
कोणी मोठ्याने हसायला.
आठवण काढून आईबाबांची,
ईवली ईवली झाली चेहरे.
बाईंनी म्हटली गाणी सुंदर,
बालचमू झाले नाचरे.
गमभण एक दोन तीन चार,
एकसुरात सारी म्हणती.
चल रे भोपळ्या टुणुक टुणुक,
नाचत नाचत गाणे गाती.
डबा छोटा ऊघडला,
खाऊ खायला सुरु केले.
चिऊकाऊच्या घासांनी,
सगळेच मग फस्त झाले.
कोड क्रमांक LMD@215
No comments:
Post a Comment