कविता ( सख्या प्रीतझुला दे रे )

स्पर्धेसाठी

विषय - सख्या प्रीतझुला दे रे

स्वप्नझुल्यावर मी झुलते ,
सख्या प्रीतझुला दे रे .
सुखदःखांच्या भावना ,
मनी हिंदोळे घेती रे .

साठा स्वप्नांचा उरी ,
रोजच वाढत जातोय .
आठवणीत तूझ्या सख्या ,
हेलकावे रोजच खातोय .

प्रीतफुल्यावरील त्या आठवणी,
सलत राहती मनी सदा .
झुलायचे होते अजून मला ,
भाळायचास तू पाहून अदा .

कर्तव्याच्या झोक्यावर आपण ,
स्वार होऊन गगनी आलो .
यशपताका उंचवत जगी ,
यशाचे वाटेकरी झालो .

आज मी राहिले मी एकाकी ,
सतावतोय विरह तुझा .
सख्या प्रीतझुला दे रे ,
शांत कर अशांत जीव माझा .

कवयत्री
श्रीमती माणिक नागावे
कुरुंदवाड , ता. शिरोळ,
जिल्हा. कोल्हापूर.