स्पर्धेसाठी
चित्रकाव्य
सर्जा राजा
जोडीनं खिल्लारी बैलांच्या,
शेत नांगरणी दादा करतोय.
दिवसभर घाम गाळून ,
कष्टाची भाकरी पिकवतोय.
काळी आई आमची माय,
सेवा तिची करु चला.
फाळ चिरतोय छाती मातीची,
मोत्याच दाणं पिकवू चला.
चल सर्जा चल राजा माझ्या,
नाही दमायच आता कधी .
पोसायचयं जगाला आपल्याला,
काम कष्टाचं करु आधी .
हिरवागार परिसर पाहून ,
जीव जातोय आनंदून .
तगमग जीवाची शांत होते,
हिरवाईची शोभा पाहून .
काळी माती आपली आई ,
सेवा तिची आज करायची.
जपून टाका पाऊल जरा ,
भविष्याची आखणी करायची.
कवयित्री
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर
No comments:
Post a Comment