स्पर्धेसाठी
सुधाकरी अभंग
विषय- अक्षय तृतीया
शिर्षक- मंगल दिन
अक्षय तृतीया।
मुहूर्त हा छान।।
मांगल्याचे पान।
मानतात।।१।।
महात्म्य भूवरी।
पूजन करुन।।
भावांनी भरुन।
ओवाळती ।। २ ।।
चैत्राचा महिना ।
दान धर्म करा ।।
सुखानेच भरा ।
याचकाला ।। 3 ।।
पवित्र ही गंगा ।
आली या धरणी ।।
समृद्धी पेरणी ।
सर्वत्रच ।। ४ ।।
जन्मदिन खरा ।
परशुरामाचा ।।
नाश क्षत्रियाचा ।
पण केला ।। ५ ।।
पुरण पोळीचा ।
नैवैद्य देवाला ।।
वाटा गरीबाला ।
अन्नद्रव्य ।। ६ ।।
दिन हा भाग्याचा ।
खास मुहूर्तांचा ।।
झाला सुवार्तांचा ।
कायमच ।। ७ ।।
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment