स्पर्धेसाठी
संघर्षाचा नेता
दीनदलित , पददलितांसाठी,
उदयास एक तारा आला .
बाबासाहेब नांव तयाचे ,
जगामध्ये अमर तो झाला .
विचारमग्न बालमन झाले ,
विषमता पाहून समाजातील .
दूर करण्या ही खोल दरी ,
व्यक्त विचार मनातील .
प्रगाढ अभ्यासक कीर्तीवंत
जगी ठरले थोर विचारवंत .
संविधानाची कीर्ती दिगंत ,
झाले मसिहा ते यशवंत .
बाबासाहेब एक संघर्ष ,
आदर्श ठेविला समाजापुढे .
शिका , एकजुटीने संघर्ष करा ,
हाक दिली बांधवांपुढे .
पाठपुरावा करु विचारांचा ,
सिद्ध करु महामानवाला .
प्रणाम वीरा तव बुद्धीला ,
तेवत ठेवू तव ज्योतीला .
कवयित्री
श्रीमती माणिक नागावे
कुरुंदवाड , ता. शिरोळ,
जिल्हा. कोल्हापूर.
No comments:
Post a Comment