कविता ( स्वामी विवेकानंद )

काव्यस्पर्धेच्या 10 फेरी

फेरी क्र. 9

विषय -- साईबाबा कींवा स्वामी विवेकानंद

स्पर्धा कोड क्र. VBSS KP 13

शिर्षक - स्वामी विवेकानंद

जीव परमात्म्याचा अवतार ,
मिळाला परमहंसांचा विचार .
आध्यात्मिकतेकडे झुकले ,
विवेकानंदांचे थोर आचार .

माता भुवनेश्वरी धार्मिक ,
जोड तर्कसंगत विचारांची .
पिता दुर्गाचरण विद्वान ,
घडण महान व्यक्तीमत्वाची .

लालसा मनी जागली ,
तीव्र ईश्वर प्राप्तीची .
कुशाग्र बुद्धीच्या जोरावर ,
चढली शिखरे यशाची .

गुरुभक्ती गुरुसेवेची ,
आदर्शवत संस्कारमूल्ये अंगी .
घडविले स्वव्यक्तीत्व निर्दोष ,
जातीभेदरहीत समाज स्वप्नरंगी .

बंधुभगिणीचा घोष दुमदुमला ,
जगी वंदनीय तो झाला .
स्मरण तयांचे स्फूरण देते ,
देशहिताचा विचार तो आला .

कवयित्री
श्रीमती माणिक नागावे
कुरुंदवाड , ता. शिरोळ ,
जिल्हा. कोल्हापूर.