हास्यकविता ( शिक्षक )

स्पर्धेसाठी

हास्यकविता

शिर्षक -- शिक्षक

ऑनलाईन झाली व्यवस्था ,
ऑफलाईन शिक्षक झाला .
तरीही निघतोच फतवा ,
मेसेज व्हाटस अपवर आला .

सुधारायचाय दर्जा शिक्षणाचा ,
वर्गावर जाउन कसं चाललं ?
माहीती देऊन देऊन खरचं ,
शिक्षक पुरेपूर हो दमलं .

एकच माहिती दहावेळा लिहा ,
शिकवायच सोडून गुरुजी तुम्ही .
नसताना कुणीही वर्गात ,
विद्यार्थी म्हणतात शिकतो आम्ही.

नापास कुणाला करायचे नाही ,
रागाने बघायचसुद्धा नाही.
ऊगवला दिवस तुमचाच आहे,
तक्रार मात्र करायची नाही .

आदेशावर आदेश आता ,
रोजच येऊन धडकतात ,
तणावामुळे कामाच्या या ,
रोज एक शिक्षक गचकतात .

कवयित्री
श्रीमती माणिक नागावे
कुरुंदवाड , ता. शिरोळ ,
जिल्हा. कोल्हापूर.