राज्यस्तरीय अभंग लेखन स्पर्धेसाठी
विषय - व्यसनाचा भस्मासूर
व्यसन जडले । मादक द्रव्याचे ।
वाईट नशेचे । मानवाला ।। १ ।।
वारंवार त्याचे । सेवन करतो ।
धुंदीत राहतो । तो व्यसनी ।। २ ।।
नशा ती चढते । विसरते नाती ।
दारु जे पीती । आपलीच ।। ३ ।।
भस्मासूर पहा । आज व्यसनांचा।
फास जीवनाचा । आवळला ।। ४ ।।
झाली हो चाळण । पहा शरीराची।
लाज ना कशाची । वाटायाची ।। ५ ।।
दारु अफू गांजा । तंबाखू कोकेन।
नको हेराँईन । या देहाला ।। ६ ।।
हो व्यसनमुक्त । घे जबाबदारी ।
तुझ्या शिरावरी । कायमची ।। ७ ।।
आगामी पीढीला । संदेश चांगला
करु देश भला । निर्व्यसनी ।। ८ ।।
रचनाकार
श्रीमती माणिक नागावे
कुरुंदवाड . ता. शिरोळ ,
जिल्हा. कोल्हापूर.
