स्पर्धेसाठी
अष्टाक्षरी
विषय - विद्याधन
विद्याधन मानवाचे
अबाधित नेहमीच
नाही कधी लागणार
बाधा याला कुणाचीच
विद्याधन श्रेष्ठ जगी
राही विचारप्रवण
भेद ओळखी सत्वर
कोण सज्जन, रावण
सारासार विचारांचे
फुलतील येथे मळे
नाही कापणार कोणी
येथे कोणाचेच गळे
हेच खरे विद्याधन
ओळखावे जगी आता
नाही दुसरा कोणीही
जगी या दुसरा त्राता
विद्याधन देते ज्ञान
वैचारिक पातळीचे
नाही सुचणार आता
बोल हीन पातळीचे
प्राप्त करा विद्याधन
वाढे उंची जीवनाची
खरी योग्यता आपली
आपणच जाणायाची
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment