स्पर्धेसाठी
बदलती ऋतू क्षणाक्षणाला
निसर्गचक्र गरगरले क्षणात,
बदलून सृष्टी दाखवायला.
बदलून काळवेळ आपसूकच,
बदलती ऋतू क्षणाक्षणाला
कधी वारा तर कधी पाऊस,
कधी थंडीने होतं गारठायला.
झाली अंगाची काहीली उन्हानं,
बदलती ऋतू क्षणाक्षणाला.
कधी फुलला वसंत बागेत,
लागली फुलं ही बहरायला.
कधी शरद तर कधी सावन,
बदलती ऋतू क्षणाक्षणाला
भूल पाडती जीवनात,
लागलेत सारे बदलायला.
अवचित सारे घडते आहे,
बदलती ऋतू क्षणाक्षणाला
यालाच जीवन ऐसे नांव,
लागलयं आता समजायला.
एकच कारण आहे याचे,
बदलती ऋतू क्षणाक्षणाला
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment