स्पर्धेसाठी
चित्रकाव्य
आनंद कचऱ्यातला
एका दिवसाच्या आनंदाचा,
शेवट असा कचऱ्यात झाला.
झाली मौज क्षणापुरती,
प्रत्यय याचा पहा आला.
मिळवती निरागस बालिका,
आनंद कचऱ्यात ही सहजच.
कागदी टोपी ही मग भासे,
जणू शिरी शोभे मुकुटचं.
वाहते कचराकुंडी भरून,
बालिकांना भान न याचे.
नाही आड येते इथे गरिबी,
प्रतिबिंब समाधानी मनाचे.
निखळ आनंद फुलला,
चिमुकल्यांच्या चेहऱ्यावर.
चला आपण साजरा करु,
वाढदिवस कचऱ्यावर.
ना तमा घाणीची मनी,
ना तमा पसार्याची.
अस्ताव्यस्त पसरल्या वस्तू,
ना किंमत या हास्याची.
कवयित्री
श्रीमती माणिक नागावे
कुरुंदवाड,जिल्हा. कोल्हापूर
No comments:
Post a Comment