स्पर्धेसाठी
बालकविता
विषय - उन्हाळी सुट्टी
शाळा सुटली मज्जा झाली,
परीक्षेतून सुटलो आम्ही.
लागली आता उन्हाळी सुट्टी,
बागडू आनंदाने आम्ही तुम्ही.
नको अभ्यास अन् उठणे लवकर,
गोड स्वप्ने आता बघायची.
नको ओरडणे सगळ्यांचे,
सुट्टी मजेत आता घालवायची
मामाच्या गावाला जाऊया,
चिंचा बोरे, आंबे खाऊया.
सकाळ संध्याकाळ आता,
खेळच खेळ खेळूया.
नाही तमा आम्हा उन्हाची,
नाही तगमग होत जीवाची.
मैदानावर मांडून डाव ,
कास धरुया व्यायामाची.
गप्पा गोष्टी पाराखाली,
दुपारच्या वेळी करुया.
आईबाबांच्या आठवणीने,
डोळे हळूच हसत पुसूया.
क्रिकेट, खो-खो,कबड्डी,
लगोरी,विटीदांडूत रमूया.
बाह्यखेळाबरोबर घरी बसून,
बुद्धीबळ,कॅरमचा डाव मांडूया.
विहिरीत, नदीत पोहुया,
सुरपारंब्यावर लोंबकळूया.
रानात फीरुन रानमेवा खाऊ,
औषधांची माहिती घेऊया.
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment