स्पर्धेसाठी
मुक्तछंद
मोबाईल
आधुनिकीकरण झाले आता
मोबाईल हाती दिसू लागला.
प्रणाहूनही प्रिय तो झाला
सोडवेना कधी कुणाकडूनही
त्याच्याविना सकलजनांचा
जीव कासावीस असा झाला.
नाही सापडणार शोधूनही
मोबाईल शिवाय आज व्यक्ती
राव असो वा रंक असो
बालक असो वा वृद्ध
जमलय नातं छान सर्वांच
आहेत सारे यातच व्यस्त.
नाती विसरली प्रेम आटले
संवेदना आता बोथट झाल्या
जवळ असुनी लांब झाले
टाइपिंग मधेच गुंग झाले
आपुलकीचा सुकलाय मळा
मोबाईल ज्याच्यात्याच्या गळा
वापर करुन विचारपूर्वक
कुणी वापरला हितासाठी
अविचाराने वापरुन कुणी
समाजविघातक कृत्य केले
तरुणांबरोबर बालकवर्गही
आता मोबाईलवेडे झाले.
प्रेमवीर खूषीत आहेत
नाही गरज मध्यस्ताची
जोडले जातात आता सहज वेळ ठिकाण त्वरीत ठरते
आवाजाबरोबर फोटोही येतो
चलबिचल मनाची वाढवतो
आईवडीलांच्या प्रेमाची किंमत
समजावून घ्यायला वेळ नाही
एकमेकांबरोबर गप्पा मारण्यात
वेळ कसा जातो समजत नाही
कीती सांगू महती याची
लांबचे जवळ झाले
जवळ असूनही घरचे
परक्यातच जमा झाले
वेळ आहे सावरायला
समजून महत्त्व वापरायला
माणुसकी हरवलेल्यांना
माणसांत आणायला.
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment