स्पर्धेसाठी.
चित्रकाव्य
सोनेरी पहाट
पसरली चोहीकडे आज ,
सुंदर सूर्यकिरणे सोनेरी .
पाहून डोलते मन माझे ,
शोभे वर आकाश चंदेरी .
तेजाळला आसमंत सारा ,
प्रभा उजळून निघाली .
निरव शांततेत आता ,
सूर्यकिरणे नाचू लागली .
झाडांच्या फांदीतून पसरे ,
किरणांचा सुंदर पसारा .
उजळून वृक्ष गेला ,
पाहून आनंदी नजारा .
धरती ही प्रकाशली ,
सुवर्ण किरणांच्या धारेत .
तेज:पुंज भास्कर आता ,
सामावला सहजच धरेत .
रंग जीवनाचे सोनेरी ,
मनमयूर नाचू लागले .
मनमोहक दृश्य पाहून ,
सहजच ते नाचू लागले .
कवयित्री
श्रीमती माणिक नागावे
कुरुंदवाड , ता. शिरोळ ,
जि. कोल्हापूर.
No comments:
Post a Comment