दर्पण
वेदना
वेदना
सलते उरात
वेदना
जाणवत राहते सतत मनात
वेदना
सांगावीशी वाटते राहते आपल्या माणसांच्या कानात
वेदना
जीच्या असण्यामुळे नाही लक्ष लागत कुठल्याही महत्त्वाच्या कामात
वेदना
वेगळ्या प्रत्येकाच्या अंतरीच्या काही सुखावर स्वार होऊन दुःख जपतात उरात
वेदना
रचना
श्रीमती माणिक नागावे
कुरुंदवाड ,
दर्पण
विषय - स्मरण
स्मरण
झालेल्या घटनांचे
स्मरण
सतत आठवत राहणा-या व्यक्तींचे
स्मरण
मनात घर करून असलेल्या चांगल्या विचारांचे
स्मरण
शांत निवांत समयी मनाला लुभावणाऱ्या आनंद देणा-या घटनांचे
स्मरण
बालपणापासून आतापर्यंतच्या मनाला सुखावणा-या सर्व बाल मित्र मैत्रीणी आनंददायी मेळाव्याचे
रचना
श्रीमती माणिक नागावे
कुरुंदवाड , ता. शिरोळ,
जि . कोल्हापूर
घे भरारी साहित्य मंच
महाकाव्य स्पर्धा - २०१७-२०१८
फेरी क्रं . १२
विषय - माय मराठी वर कविता
शीर्षक -- माय मराठी
स्पर्धक कोड क्रं.- SKS/S 5⃣5⃣5⃣7⃣
माय मराठी माझी माता ,
नाही उणे कुठे सापडणार .
गर्व असणार नेहमीच ,
मान अभिमानाने उंचावणार .
वळवावे तशी वळते ही ,
अर्थ घेऊ समजावून .
गरज आहे त्यासाठी ,
ऐकायची ती मन लावून .
माता जशी समजून घेते ,
पोटच्या लेकराला .
तशी वाट करून देते ही ,
मनातील भावनेला .
बाज हिचा असे वेगळा ,
सान -थोरांची ही भाषा .
नसे वाटे ही परकी ,
आहे सर्वांचीच आशा.
माय मराठीची गाऊ गाथा,
मिळवून एक सूर एक ताल .
कर्तव्य आपले समजून घेऊ ,
सदा ठेऊ हिचे उन्नत भाल.
स्पर्धेसाठी
सांस्कृतिक कार्यक्रम आणि विद्यार्थी
शाळा संस्कारांचे , शिक्षणाचे , ज्ञानाचे अविरत चालणारे एक केंद्र आहे . यामध्ये विद्यार्थी हा केंद्रबिंदू असतो . विद्यार्थ्यांचा सर्वांगीण विकास हे ध्येय समोर ठेऊनच सर्वांची वाटचाल चालू असते .
शिकत असताना विद्यार्थी हा नेहमी ताजातवाना असला पाहिजे . कारण शिकताना जर तो उत्साही असेल तरच अध्ययन व्यवस्थीत होईल . त्यासाठी रोजच्या दैनंदिन अध्ययन अध्यापन प्रक्रियेत सतत बदल घडवून आणण्यासाठी सहशालेय उपक्रम राबवले जातात . त्यातीलच एक उपक्रम म्हणजे सांस्कृतिक कार्यक्रम होय .
सांस्कृतिक कार्यक्रम म्हणजे विद्यार्थ्यांच्यातील सुप्त गुणांना वाव देणे होय . सांस्कृतिक कार्यक्रम म्हटले की विद्यार्थी एकदम उत्साही होतात. जे विद्यार्थी वर्गात एकदम शांत , एकटे बसलेले असतात तेही खूष होतात व सगळ्यात मिसळतात . आपणही एखादि कला सादर करावी कींवा एखाद्या नृत्य प्रकारात सहभागी व्हावे असे वाटते , मग ते इतरांशी स्वत:हून बोलू लागतात , त्यांच्यांत मिसळतात. ही एक चांगली गोष्ट आहे .
मी तर असे कीतीवेळा पाहिलंय की या सांस्कृतिक कार्यक्रमामुळे अनेक विद्यार्थ्यांचे आयुष्यच बदलून गेले आहे , कारण इथेच त्यांना गती मिळते व आपण काहीतरी करू शकतो हा आत्मविश्वास वाढीस लागतो .मग ते क्रियाशील होतात. आपणांस माहिती आहेच की अपयश ही यशाची पहिली पायरी आहे.
आमच्या विद्यालयात एक गतीमंद विद्यार्थिनी आहे . तिच्या सर्वच क्रीया अतिशय मंद आहेत . कुणालाही असे वाटले नाही की ती सांस्कृतिक कार्यक्रमात भाग घेईल व नृत्य करेल पण सांस्कृतिक विभाग प्रमुख म्हणून काम करत असताना ती सतत बघत असे . मी एकदा तीला तू नृत्य करणार का ? असे विचारले तर ती हो म्हणाली.मला आश्च़र्य वाटले . आणि तीने माझा पिच्छाच पुरवला . मग मी इतर विद्यार्थ्यांनींना विनंती करून तिला त्यांच्या नाचात घ्यायला लावले . मला सांगायला अभिमान वाटतो तीने सांस्कृतिक कार्यक्रमात नृत्य केले व सर्व मुलींनीही तिला दिलं दिली.आपसूकच माझे डोळे पाणावले . तीही खूप खुश झाली.
त्यामुळे मी असे म्हणते की शाळेतील सांस्कृतिक कार्यक्रम हे विद्यार्थ्यांच्यासाठी अतीशय आवश्यक आहे .कारण विद्यार्थी परत जोमाने कार्यरत होतात .अभ्यासही करतात व ताजेतवाने होतात .
श्रीमती माणिक नागावे
कुरुंदवाड,ता.शिरोळ ,
जि. कोल्हापूर.
स्पर्धेसाठी
काव्यस्पर्धेच्या १० फेरी - चाचणी फेरी
कोड क्र. -- VBSS KP 13
विषय - व्यसनमुक्ती
शिर्षक - सोडून व्यसनाला
नको जाऊ तू मानवा ,
व्यसनाच्या आहारी.
नको बनवून शरीर ,
कैक रोगांचे आगर .
दारू , गुटखा , मावा ,
सिगारेट अन् बिडी .
क्षणभर मिळेल आनंद ,
शरीराची होईल चाळण .
नासाडी पैशाची झाली ,
दारी गरीबी आली .
तरीही सुटेना हौस ,
जागा कधी तू होणार ?
सोडून व्यसनाला ,
बन तू सशक्त मानव .
भावी भारताच्या नशिबी ,
येऊ दे व्यसनमुक्तीचा नारा .
श्रीमती माणिक नागावे
कुरुंदवाड ,ता. शिरोळ,
जि. कोल्हापूर.
स्पर्धेसाठी आठोळी
विषय -- फसवे चेहरे
जगताना या दुनियेत मी
पाहिले रे फसवे चेहरे
जरी महान या जगी होते
तेच खरे दानवी मोहरे
टाळले तरी टळले नाही
दोष कुणा द्यावा या जगात
चूक माझीपण होती यात
आता कुढतेय मी मनात
श्रीमती माणिक नागावे
कुरुंदवाड, ता,. शिरोळ
जि कोल्हापूर
शब्द चारोळी साठी
स्पर्धेसाठी
वैभव लेखणीचे
खुलले बहरले खरंच
आज वैभव लेखणीचे
अशीच तळपू दे प्रतिभा
जाणून गुज तुझ्या मनीचे.
रचना
श्रीमती माणिक नागावे
कुरुंदवाड , ता.शिरोळ ,
जि. कोल्हापूर
स्पर्धेसाठी
विषय -- छोटा जवान
अभिमान आहे तुझा
तू आहेस छोटा जवान
कीर्ती तुझी अखंड राहो
राहो अमर तू महान
रचना
श्रीमती माणिक नागावे
कुरुंदवाड , या. शिरोळ,
जि.कोल्हापूर
स्पधेसाठी
साहिले दु:ख मी सहजच
मनाचा निर्धार करुन
पाठपुरावा केला सुखाचा
दगड मनावर ठेऊन .
श्रीमती माणिक नागावे
कुरुंदवाड , ता. शिरोळ
जि. कोल्हापूर
उपक्रम
विषय -- कल्पतरू
असावा सदैव कल्पतरू
उभा सतत पाठीमागे
हवी त्यासाठी मनामध्ये
विवेक बुद्धीचे मन जागे
जाण्यासाठी पुढे पुढे
आधार नितीमत्तेचा हवा
सोडून असंवेदनशीलता
नेहमी पुढेच तुम्ही जावा
श्रीमती माणिक नागावे
कुरुंदवाड , ता . शिरोळ ,
जि. कोल्हापूर.
घे भरारी महास्पर्धा
फेरी क्र 11
विषय -- सैनिक जीवन
शीर्षक --- समर्पित जीवन
भारतमाता माझी माता ,
गातो तीचे गौरवगान .
अर्पून तन मन धन ,
उंच ठेवीन सदा मान .
रक्षणास मातृभूमीच्या ,
दक्ष सदा मी सीमेवर .
लाख संकटे आली तरी ,
समर्पित प्राण देशावर .
देशवासीयांच्या खुशीसाठी ,
त्यागीले आम्ही घरदार .
झेलल्या गोळ्या दुष्मनांच्या ,
छातीवर आमच्या भरदार .
असतात लागलेले डोळे ,
घरच्यांचे आमच्या वाटेकडे .
थकून जाती बायका पोरे ,
दाद मागणार कोणाकडे ?
नका विसरु आम्हाला ,
भावना आमच्या जाणून घ्या .
नका देऊ दुसरे काही ,
पाठीवर कौतुकाची थाप द्या.
कोड क्र -- २२८४
उपक्रम
उंच भरारी घेऊया
आशेच्या या अंगणी
उंच भरारी घेऊया
निराशेच्या गर्तेतून
सहजच बाहेर निघुया
आसमंत सारा बहरू दे
उंच या गगणभरारीने
कर्तृत्वाची मशाल आता
पेटू दे यशाच्या तेजाने .
रचना
श्रीमती माणिक नागावे
कुरुंदवाड , ता ,. शिरोळ
जि कोल्हापूर
स्पर्धेसाठी
विषय - सण आनंदाचा
स्नेह वाढला तिळाने ,
गोडवा वाढला गुळाने .
सण आनंदाचा आला ,
साजरा करा आनंदाने .
गोड बोलूया प्रेमाने ,
सौख्य नांदेल घरोघरी .
नाती होतील आपोआप ,
हास्य येईल दारोदारी .
आनंदाने जगूया ,
जगण्यास मदत करुया .
सहकार्याच्या वृत्तीने ,
एकमेका सहाय्य करुया .
हृदयी अमृत भरुया ,
गोड गळ्याने गाऊया .
हर्षित मनाने नाचूया ,
समाधानी सर्वांना करुया .
सण आनंदाचा खरा ,
जसा प्रेमाचा हा झरा .
नका विचारु याचा तोरा ,
मोद देई लहान थोरा .
कवयित्री
श्रीमती माणिक नागावे
कुरुंदवाड , ता. शिरोळ ,
जि.कोल्हापूर ,
9881862530 .
घे भरारी समूह
फेरी क्रं. 10
विषय -- अष्टाक्षरी
दंगा
दोष कुणाचा तो होता ?
शिक्षा कुणाला ती झाली ?
सगळेच त्रासलेले ,
लोकं अशी का वागली ?
आज माझा प्रश्न आहे ,
तुम्ही काय हो साधले ?
शांत जनता हो होती ,
विष दंग्याचे पेरले ?
भाऊ भाऊ आम्ही सारे ,
बंधुभाव जोपासावा .
वैरभाव दूर सारा ,
प्रेमभाव बाळगावा .
करु नका दंगे धोपे ,
जाळपोळ , मारहाण .
येतो मग सगळ्यांना ,
अकारण खूप ताण .
नको हिंसा , मारझोड ,
मार्ग शांततेचा छान .
जगी भारताची ठेवा ,
उंच सतत ती मान .
कोड नं. -- 2284
स्पर्धेसाठी
सुखसमृद्धी
सुखसमृद्धीची आस मनाला
नवतेजस्वी वर्षाच्या भावना
सुयश लाभो सहका-यांना
हिच मनीच्या सहज भावना.
रचना
श्रीमती माणिक नागावे
कुरुंदवाड ,ता.शिरोळ,
जि.कोल्हापूर .
स्पर्धेसाठी
माता सावित्री
माता सावित्री ती महान ,
ठरली स्त्रियांची त्राता .
स्त्रिशिक्षणाचे दरवाजे केले,
उघडे , ती जोतिबांची कांता.
ठरली भारतातील पहिली ,
शिक्षित , शिक्षिका , मुख्याध्यापिका .
महिला,दलितांची ऊद्धारकर्ती .
स्त्रिवर्गाची प्रेमळ अध्यापिका.
साहिला विरोध समाजाचा,
शेणगोळे,दगड स्विकारले.
क्षणभर न डळमळे निर्धार,
चालूच कार्य जे अंगीकारले.
स्त्रिशिक्षणाचे अवघड कार्य,
सहज पेलले क्रांतीज्योतीने.
घडवली क्रांती समाजात ,
ऊजळली ज्योतीच्या प्रकाशाने.
महानायीका प्रणाम तुजला,
लेकी आम्ही सावित्रीच्या .
वसा चालवू पुढेच आम्ही,
स्विकार प्रणाम या लेकीचा.
कवयित्री
श्रीमती माणिक नागावे
कुरुंदवाड ,ता.शिरोळ,
जि.कोल्हापूर .
