स्पर्धेसाठी
कविता
आठ अक्षरी
विषय - पहिला पाऊस
झाली उन्हानं काहिली,
धारा घामाच्या वाहील्या.
अंग भिजूनच गेले ,
शिव्याशाप खूप दिल्या.
आस पावसाची आता,
भिजू दे अंग पाण्याने .
आला पहिला पाऊस ,
नाचू गाऊ आनंदाने.
सरी बरसल्या खूप ,
शांत झाले तन मन .
धरा हासली पिऊन,
जल आहेच जीवन.
फूलवेली फळपाने,
रानोमाळ बहरले .
हिरवाई पसरली,
चहूबाजू पाणी आले.
आस पाण्याची भागली,
नदी भरुन वाहीली.
शेतकरी खूष झाला,
पिके डोलाया लागली.
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment