मैत्रीचा सातबारा

स्पर्धेसाठी

  मैत्रीचा सातबारा

निखळ प्रेमाचा आरसा ,
म्हणजेच मैत्रीचा सातबारा.
मैत्रीच्या गराड्यातील ,
हाच असतो खरा उतारा .

प्रेम आणि विश्वास ,
हाच महसूल कायदा .
विश्वासघात नाही करायचा,
हाच इथला वायदा .

हरएक मित्र असतो ,
नविन नमुना प्रितीचा .
मैत्रीला नसते मर्यादा ,
सुखदुःखाच्या साथीचा.

माझी मैत्री , माझा हक्क,
नाही लागू कोणतेच कलम.
वैचारिक मतभेदांवर ,
प्रेमळ शब्दांचेच मलम .

जीवनाच्या अंतापर्यंत ,
वाहणार हा झरा .
आंत ना कधी याला ,
हाच मैत्रीचा सातबारा .

    कवयीत्री

श्रीमती माणिक कल्लाप्पा नागावे , कुरुंदवाड ,
ता.शिरोळ ,जि.कोल्हापूर,
416106 .
9881862530
mknagave21@gmail.com