स्पर्धेसाठी
चित्रकाव्य
भेगाळलेली पावले
झोपलो मी निवांत वारकरी,
जरी भेगाळले पाय माझे .
माखले धुळीने,पडल्या चिरा
तरीही शांततेत मन माझे .
थकलो जरी फिरुनी वारीत,
ऊमेदीत मन जगते आहे .
ना अपेक्षा आंथरुणाची ,
धरतीमाताच पुरेशी आहे .
अनवानी पायी प्रवास करतो
दूर ती पंढरी विठुरायाची .
रक्ताळले तळवे अन् टाचा ,
ना खंत आता मनी कशाची.
साक्ष देती सच्चेपणाची ,
शुभ्र पांढरी अंगी वसने.
बिनघोर झोपणे नशीबी ,
निरागस मनाचे असणे .
✍ रचना ✍
श्रीमती माणिक नागावे
कुरुंदवाड , ता. शिरोळ ,
जि. कोल्हापूर , 416106
