बालकाव्य ( प्रकाशातील तारे )

बालकाव्यलेखन स्पर्धेसाठी

विषय - प्रकाशातील तारे

चला मुलांनो चला चला ,
ओळख तुम्हाला करुन देते .
माहीत आहे का तुम्हाला,
प्रकाशातील चमचम तारे ते .

माता आपली जिजाऊ,
शिबाबाची ती मातोश्री.
घडविले शिवरायांना,
झाली जीवनाची इतिश्री.

भेटुया ज्योतिबांना ,
सावित्रीच्या लेकींना .
दूर केला अज्ञान अंधार,
पसरवले ज्ञानाला.

बाबा आमटे पहा जरा,
प्रकाशातील खरे तारे.
आणला उजेड जीवनी,
महारोगी होते सारे.

सिंधुताई सपकाळ आई,
नमस्कार तिजला करुया.
अनाथांचे पुसले डोळे,
मार्ग तिचा स्विकारूया.

हेच असती जीवनातील,
हसरे प्रकाशीत तारे.
ठेऊ आदर्श डोळ्यासमोर,
हाच पाठ तुम्ही घ्या रे.

कवयित्री
श्रीमती माणिक नागावे
कुरुंदवाड, जिल्हा. कोल्हापूर.