दैवत छत्रपती (कविता )

स्पर्धेसाठी

विषय - दैवत छत्रपती

धन्य जाहला शिवनेरी ,
जन्म घेतला शिवरायांनी .
माता जिजाऊ जन्मदात्री ,
बाळकडू दिले शहाजीराजांनी .

मुशीत घडले राजमातेच्या ,
आदर्श सखा हा मावळ्यांचा .
प्रतिभाशाली , शक्तीशाली ,
घडला राजा जनतेचा .

हृदयात पेटली होती ,
ज्योत ती स्वाधिनतेची .
संघटीत मावळे सर्वजातीचे ,
धगधगत्या स्वामीभक्तीची .

शपथ घेतली रायरेश्वराची ,
शत्रू हा त्या मुघलांचा .
जिंकून घेऊन तोरणा गड ,
पाया रचला स्वराज्याचा .

स्त्रीजातीचा सन्मान सदोदित ,
आदर्श दैवत ठरले जगासमोर .
ज्वलंत उदाहरण आजही आहे,
झुकती माना आदर्शासमोर .

   कवयित्री
श्रीमती माणिक नागावे
कुरुंदवाड , ता. शिरोळ,
जि. कोल्हापूर.