रंग वसंताचे ( कविता )

स्पर्धेसाठी

विषय - रंग वसंताचे

आला आला वसंत ,
रंग घेऊन रंगबिरंगी .
थंडी गेली दूर पळून ,
जोम संचारला नवा अंगी .

झाडे हिरवीगार झाली ,
नविन आलेल्या पालवींनी .
फळांनीही गर्दी केली ,
मोहवीत आपल्या रंगांनी .

ऋतूराज वसंत आला ,
होळीच्या रंगात न्हाला .
शिवरात्रीच्या आगमनाने ,
वसंत राग तो गाऊ लागला .

आनंद पसरला चोहीकडे ,
उत्साहाला भरते आले .
धरती ही फुलली प्रेमाने ,
साजशृंगार करून झाले .

नाचू-गाऊ फेर धरु ,
वसंत रंगात न्हाऊ .
एकमेकांच्या हृदयात ,
प्रेम माणुसकी ठेऊ .

कवयित्री
श्रीमती माणिक नागावे
कुरुंदवाड , ता. शिरोळ ,
जि. कोल्हापूर.