प्रेम

स्पर्धेसाठी

विषय -- प्रेम

प्रेम तुझे नी माझे ,
असेच अलवार फुलुदे .
संसारात सतत आपल्या ,
आनंदी वातावरण राहुदे .

प्रेमरुपी भावनांना आता ,
वात्सल्याची साथ लाभू दे .
संसार वेलीवर सहजच ,
गोड फुले दोन फुलू दे .

साथ मिळाली आजवर ,
अशीच अखंड मिळू दे .
दोघांच्याही प्रेमाचे गान ,
नित्य सर्वांच्या ओठी राहू दे.

अभिसारीका तू माझी ,
मी तुझाच ग राही दास,
होतोय आज मला खूप ,
आपल्या प्रीतीचा गोड भास.

उदंड आयुष्य लाभू दे ,
उभयतांची जोडी बहरु दे .
अभिष्टचिंतनाचा वर्षाव आता ,
सतत बरसतच राहू दे .

    कवयित्री
श्रीमती माणिक नागावे
कुरुंदवाड , ता. शिरोळ ,
जिल्हा. कोल्हापूर.