कविता ( होळी- कालची आणि आजची )

स्पर्धेसाठी

धुलीवंदन- काल आणि आज

(संस्कार आणि संस्कृती पर्व)

धुळवड साजरी व्हायची काल

प्रेम अन् स्नेहाची खास.

आज होते धुलीवंदन साजरी

फक्त मौजमजेचीच आस.

धुळवडीच्या कार्यक्रमात,

जमती सारे सगसोयरे.

आजच्या धुलीवंदनात,

दंगामस्ती करती सारी पोरे.

जमून सारे शेजारी आस्थेने,

चौकशी व्हायची सुखदु:खांची

आज जो तो बंद घरात

गर्दी फक्त धागडधिंग्याची.

होता मान वडीलधाऱ्यांना,

होळी पेटवून पुजण्याचा.

बाकी सारे आज वाटते,

हवाय आनंद फक्त नाचण्याचा

धुळवड असो की धुलीवंदन,

परंपरेबरोबर पर्यावरण रक्षण.

काळाबरोबर बदलत रहावे,

करुया भक्तीभावाने औक्षण.

प्रेम पूर्वीचे आजही दिसूदे,

धुलीवंदनात निसर्ग वाचूदे.

येणाऱ्या भावी पिढीला,

प्राकृतिक संपदा मिळू दे.

कवयित्री ©️®️

श्रीमती माणिक नागावे

कुरुंदवाड, जिल्हा. कोल्हापूर

9881862530