स्पर्धेसाठी
कविता
विषय - पत्नी पिडीत पती
शिर्षक - कारभारीण
दिवस सरले नवलाईचे ,
सुरु झाला आता संसार .
माझा मीच न राहीलो ,
जसा दिव्याखाली अंधार .
पुरता ताबा तिने घेतला ,
नकळत माझ्या जीवनाचा .
पार फज्जा उडाला पहा ,
सुखी आरामदायी आनंदाचा .
बाजाराची पिशवी हाती आली ,
यादी भली मोठी सामानाची .
आठवण झाली आपसुकपणे ,
घाण्याला जुंपलेल्या बैलाची .
आजूबाजूला बघायची ,
सोयच नाही मला उरली.
ती कोण ?, भुवया उंचावून,
पूर्वीची सवय नाही सरली .
आहे का उपाय यावर काहीं ,
पत्नी पिडीत पतीसाठी .
विचारतोय मी ज्याला त्याला ,
जोखडातून या सुटण्यासाठी.
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment