कविता मुक्तछंद ( भाऊबीज )

मुक्तछंद काव्य

विषय- भाऊबीज

आला सण दिवाळीचा,
घेऊन आनंदाचे भरते.
रोज नवा दिन रोज महत्व वेगळे.
भाऊबीज स्मरते मला खूप ,
देते आनंद जीवाला.
प्रेम माझ्या भावंडांचे सुखावे मनी खूप.
ओवाळीते मी प्रेमाने .
मागते आशिष देवाला
सुखी ठेव बंधुराया जरी गडबड कितीही, 
करु औक्षण बंधुरायचे,
कामना आयुरारोग्याची, भरभराटीची.
प्रेम भावाबहीणीचे अखंड राहो
हीच मनिषा मनी.
ओवाळून पंचारती देई कुरवंडी जीवाची.
बंधू तत्पर सदा रक्षण्या बहिणीला.
सण भाऊबीजेचा देई प्रेमाची त्या साक्ष.
सदा राहो प्रेम भावाबहीणीचे येथे.
घर राहते हसरे पाहून प्रेम यांचे.
फुलू दे रोज अशीच प्रीत ,वाढू दे गोडवा.

कवयित्री
श्रीमती माणिक नागावे
कुरुंदवाड. जिल्हा. कोल्हापूर