राज्यस्तरीय स्पर्धेसाठी
5 ) दिवस गुलाबी थंडीचे
येता गार वारा ,
आला अंगावरी शहारा .
दिवस गुलाबी थंडीचे ,
भरला शरीरात कापरा .
जरी असली बोचरी ,
हवी हवीशी वाटते .
ऊबदार गरम शालीमध्ये ,
गोड गुलाबी ती भासते .
मन मोहरुन जाते ,
पाहून सौंदर्य निसर्गाचे .
सुचतात ओळी आपसुकच ,
सुंदर त्या कवितेचे .
मनपाखरु घेते भरारी ,
कल्पनेच्या दुनियेत .
न थोपवे थंडी न गारवा ,
मग्न ते आपल्याच कल्पनेत.
भासतात गोड मजला ,
दिवस गुलाबी थंडीचे .
रजईत छान वाटे ,
आहे मज ते निकडीचे .
कवयित्री
श्रीमती माणिक नागावे
कुरुंदवाड ,ता.शिरोळ ,
जि.कोल्हापूर .
No comments:
Post a Comment