स्पर्धेसाठी
काव्यस्पर्धा
बापू तुमच्या देशात
सुवर्णाक्षरांनी लिहलाय ,
इतिहास जगाच्या नकाशात.
सगळं अलबेल असावं ,
खरचं ,बापू तुमच्या देशात.
सत्यवचनांचा नियम तुमचा,
मोडीत काढलाय सर्वांनी .
अहिंसा तत्वाची होळी आज
केलीय ईथे आंदोलकांनी .
शरीर उघडे टाकलात तुम्ही,
गरीब या देशबांधवांसाठी .
आज पैसेवालेच फीरतात ,
उघडे , अंधानुकरणासाठी.
आधी केले मग सांगीतले ,
उपदेश तुमचा खास होता .
फक्त सांगणे न आचरता ,
परंपराच झालीय आता .
बापू तुमच्या देशात ,
माजलीय आज अराजकता.
या परतूनी , गरज तुमची ,
निकालात निघाली मानवता
कवयित्री
श्रीमती माणिक नागावे
कुरुंदवाड ,ता. शिरोळ ,
जि. कोल्हापूर .
No comments:
Post a Comment