प्रेरकशक्ती

स्पर्धेसाठी

      प्रेरक शक्ती

एक बापू एक लाल ,
इतिहास भारताचा रचला छान .
मितभाषी म्हणून ओळख यांची ,
सदैव लीनतेने झुकते मान.

शस्त्रविरहीत क्रांती यांची ,
अहिंसा हेच प्रभावी साधन.
सत्य वचनांच्या बाणातून ,
घायाळ ते परकीयजन .

प्रेरकशक्ती भारतभूमीची ,
आशास्थान जनमानसांचे .
हाक देताच जनतेला तयार ,
जत्थे स्वातंत्र्यसैनिकांचे .

मूर्ती लहान , कीर्ती महान ,
त्यागाची ती महीमा अपार .
देशप्रेमाची ज्योत पेटवून ,
केले स्वातंत्र्यस्वप्न साकार .

राष्ट्रपिता बापू महान झाले ,
लाल ,दुसरे पंतप्रधान बनले.
वंदन तया करु विनम्रभावे  ,
तनमन हे नतमस्तक झाले .

   कवयित्री
श्रीमती माणिक नागावे
कुरुंदवाड ,ता.शिरोळ,
जि.कोल्हापूर.