- सुट्टीतील मजा
खूप खूप अभ्यास करून
पेपर लिहिले छान छान
सुट्टीचा महिना लागला आता
गाऊया गोड गोड गान
काय करूया कुठे जाऊया
बनवूया मस्त मस्त बेत आता
आनंदाने मारून उड्या गाऊया
खेळ खेळूया गाणे गाता गाता
मामाच्या गावाला जाऊया
अंगत पंगत जम्माडी जम्मत
सारे मिळून चिंचा बोरे खाऊया
शिकरण पोळीची जमवू पंगत
सहल काढू सारे जाऊ गावाला
बागेत फिरु पळू भरभर सारे
नवनवीन दोस्त बनतील छान
मिळवूया साऱ्यांची वाहवा रे
गड किल्ले चढून पराक्रम करू
साक्ष इतिहासाची साठवू मनात
वीर पुरुषांची माहिती जमवून
महती गाऊ तानात तानात
मजा सुट्टीतील लय लय भारी
आवडते मजला आवडते सर्वांना
चला चला सारे जण जमून
करूया साजरा सुट्टीचा महिना
कवयित्री
श्रीमती माणिक कल्लाप्पा नागावे
कुरुंदवाड जिल्हा कोल्हापूर
No comments:
Post a Comment