काव्यप्रेमी शिक्षक मंच आयोजित
साप्ताहिक उपक्रम
दिनांक -७/५/२०२७
विषय - चित्रकाव्य
शिर्षक - निसर्ग किमया
सोनेरी प्रकाशात सर्वत्र पसरला
सोनेरी निळसर ढग जमले
पिवळसर पोपटी रंगाने
आकाश गोलाकार दिसू लागले
वृक्षद्वय उभे ठाकले भूवरी
जणू दोन मार्ग जीवनाचे
एक वेडावाकडा अनिर्बंधतेचा
एक उभे दृश्य स्वाभिमानाचे
छाया दोघांची वेगवेगळी
एक विखरली गटागटातून
दुसरी एकसंध दाट सावली
पसरली भुवरी सुंदर छटांतून
मार्ग जीवनाचा सरळ असावा
नसावा त्यात कोणता छुपेपणा
असावा सर्वांसाठी समान न्याय
आपोआपच निसटे खोटेपणा
वेडेवाकडे कंगोरे जीवनाचे
सुखदुःख,अन्याय,अत्याचाराचे
पार करून सर्वांना निश्चयाने
गाडून टाकू जीवन भ्रष्टाचाराचे
सरळ मार्गाची उंचीच भारी
वक्रता आपोआपच होते छोटी
निसर्ग किमया कधी न कळली
मोहवी दुनिया खरी असो वा खोटी
कवयित्री
श्रीमती माणिक कल्लाप्पा नागावे कुरुंदवाड जिल्हा - -कोल्हापूर
