मनस्पर्शी साहित्य कला व क्रीडा प्रतिष्ठान महाराष्ट्र
(नोंदणी क्रमांक ९४१/२०२५) आयोजित भव्य
राज्यस्तरीय काव्य लेखन स्पर्धा २०२६ या स्पर्धेसाठी
विषय-दोन ध्रुवावर दोघे आपण
शिर्षक-दोन ध्रुवावर दोघे आपण
दोन ध्रुवावर दोघे आपण
आस भेटण्याची असे मनी
स्वप्नवतच ही सारी दुनिया
सलतसे उरी सल क्षणोक्षणी
दोन ध्रुवावर दोघे आपण
ध्येय तरी आपले एक असे
पूर्णत्वाला नेण्यासाठी
प्रयत्न अपुरे कधीच नसे
दोन्ही ध्रुवावरची शीतलता भारी
एकसंध आहे तोवरच बरी
छळते भास्कराचे अस्वस्थ होणे
हीम वितळे भीती ठरे खरी
शक्य अशक्यतेची दुनिया सारी
भरवसा ना कधी कुणावर
विश्वास शोधे आधार स्वतःला
मळभ दाटले पहा नात्यावर
श्रद्धेचा बाजार मांडला
टांगली नीतिमत्ता वेशीवर
भक्तीच्या पोकळ बुरख्याखाली
शालीनता गेली फासावर
प्रेम द्वेष मानवी भावना
काय द्यावे आपण जगाला?
परोपकार हाच जीवनाधार
कळेल कधी का हे मानवाला?
सांकेतिक क्रमांक-MSKKP255
