शिर्षक -चैत्र पाडवा
सण हा मोठा भाग्याचा
आला हा चैत्र पाडवा
गुढ्या उभारुया दारी
आला वाणीत गोडवा.
सफाई घर,अंगणाची
होतो आरोग्याचा वास
गुढीपाडवा आनंदाची लहर
वाटे सर्वांनाच हा खास
नवसंकल्पनाना आली झळाळी
मनामनातून फुलले धुमारे
परिमार्जन सर्व जुन्या चुकांचे
सकारात्मकतेची वाहिली वारे
राखतो आरोग्य कडुलिंब माळ
माळ साखरेची राखते गोडवा
वस्त्र भरजरी सांगे समृद्धी
कलश शिरी शोभे हा पाडवा
वेळू काठी देते मराठी बाणा
असावा नेहमी स्वाभिमान
पुष्पमाला देते सुगंधित विचार
संस्कृती भारताची जगी महान
होळीत संपले वाईट विचार
रंगात रंगला सारा संसार
गुढीपाडवा सण भाग्याचा
महती याची असे अपार
कवयित्री
श्रीमती माणिक नागावे
कुरुंदवाड या. शिरोळ ,
जिल्हा. कोल्हापूर
मोबाईल ९८८१८६२५३०
No comments:
Post a Comment