कविता (राजमाता जिजाऊ )

शिर्षक- राजमाता जिजाऊ

माता जिजाऊ थोर माता

आनंदाने संघर्षातून सोशिकतेने

प्रसविला स्वराज्य संस्थापक

संयमाने घडविला पुत्र निर्भयतेने

सहवासाने बाल मावळ्यांच्या 

दिली प्रेरणा लढण्यासाठी

संस्काराच्या सांगून गोष्टी 

थोर चरित्रे शिवबासाठी

चालविला नांगर सोन्याचा 

बालशिवाजीच्या कोमल कराने 

नाही भिती निर्वंशाची मनी होती

अंधविश्वास सारीला निकराने

गडकिल्ले मिळविले सुसंवादाने 

नाही बधले त्यांच्यावर स्वारीने 

तोरण स्वराज्याचे बांधले नेटाने

प्रसंगी पेलले संकट तलवारीने

राज्याभिषेक सोहळा अतिसुंदर

पूर्णत्वाची भावना मनोमनी दिसे 

राजमाता जिजाऊ झाल्या माँसाहेब

जनतेचाच विकास ध्यानी वसे

समाधानाने देह ठेवला धरेवर 

लाडकी लेक सिंदखेडराजाची 

बनली महान माता शिवरायांची 

अर्धांगिनी शूरवीर शहाजीराजांची

कवयित्री

श्रीमती माणिक कल्लाप्पा नागावे

साने गुरुजी विद्यालय,कुरुंदवाड

कुरुंदवाड, जिल्हा. कोल्हापूर

mknagave21@gmail.com

मोबा.नं.9881862530